E alá foron 3ºA e 4ºA ao Teatro Jofre para festexar, xunto con outros institutos, a ben merecida homenaxe do centenario do nacemento que se lle está a conceder ao insigne autor ferrolán.
O ilusionista, xa coñecido por vós, Martín transportounos, coa axuda da súa maxia, ao mundo literario de don Ricardo.
O "diplomático de Monte Algo", Xurxo Souto convidounos a espertar o Pulpiño Viascón e xuntos, coa palabra arroutada do coruñés e a acústica xurdida dos instrumentos orixinais do Pulpiño percorreron a vida do autor.
Mirástesvos incrédulos ao recoñecer o voso profesor Henrique Dacosta no vídeo O lar de Clara, que achega a vida de Carvalho a través das fotos de familia. Un escritor na pel doutro escritor? Por que non?
Finalmente, non foron os "rumorosos" os que nos falaron dos bos e xenerosos; foron os RAPATIOS, mozas e mozos do CPI Atios os que actualizaron co seu rap o noso himno.
Agradecémoslle á Coordenadora de Equipas de Normalización Lingüística de Ferrolterra que nos convidase a esta festa. N súa páxina atoparedes máis fotos e información sobre as diferentes actividades do centenario.
E aínda que desta volta foi no inverno, agardamos, como ben dicía o homenaxeado
MIL PRIMAVERAS MÁIS PARA A NOSA LINGUA!
Gozade coa lectura.
No hay comentarios:
Publicar un comentario