CALENDARIO DOS CLUBS PARA O PRIMEIRO TRIMESTRE

 

MAFALDA ESTÁ DE ANIVERSARIO!

 

                PARABÉNS, MAFALDA!! 

Hoxe o alumnado de Proxecto Competencial 1º ESO quixo lembrar esta pequerrecha tan intelixente e tan preocupada pola cultura e por un mundo en paz coa axuda do Equipo de Dinamización e da profe Laura.

Oxalá, Mafalda, o teu desexo dun mundo mellor chegue aos corazóns daqueles que provocan as guerras!!

MOITA ANIMACIÓN NO COMEZO DE CURSO

 Coas baterías cargadas do verán, o equipo de biblioteca (este curso con novas colaboracións) ponse en marcha.

Continuaremos co Voluntariado; co Club de Lectura de Adultos; cos Clubs Xuvenís de Poesía, Narrativa e Debate; cos Xogos Inclusivos, pero tamén engadiremos novidades:

- O club de Manga alternará as súas sesións coa banda deseñada e a novela gráfica.

- Haberá un obradoiro de linguas estranxeiras (comezaremos polo árabe!!!!).

- Botaremos a andar un club de teatro e a ver quen acaba dando o salto á escea!

Axiña teremos á vosa disposición os calendarios de cada actividade.

Quen se anima????

Anotádevos en Biblioteca para as actividades nas que queirades participar. Agardamos por vós!

 

CLUB DE LECTURA DE ADULTOS "JOSÉ BECEIRO"

Buenos días. El próximo lunes se celebrará la última sesión del Club de lectura de Adultos "José Beceiro". En esta ocasión retornamos a la narrativa y al protagonismo del paisaje en la literatura, tema de la biblioteca a lo largo del curso, de la mano de Irene Solà y su segunda novela, Canto yo y la montaña baila, publicada en 2019. Os esperamos el lunes a partir de las 16:00 horas en la biblioteca.

DESPEDIDA DO CLUB DE POESÍA E CLUB DE NARRATIVA XUVENIL ESO

 Celebramos o fin de curso cunha merenda dos clubs de poesía e club de narrativa xuvenil. Aproveitamos para escoitar as últimas cancións correspondentes ó club de poesía e compartir impresións sobre o curso. Esperamos vervos o curso que vén. Pasade un verán cheo de lecturas!! ❤️

CLUB DE LECTURA XUVENIL ESO: A FOLLA AZUL, DE ANDREA MACEIRAS

 A última lectura do curso, en liña coa temática da biblioteca, foi A folla azul, de Andrea Maceiras. Esta novela trata a historia dunha nena, Husu Aké, que vive nunha tribo da Amazonía ameazada pola presenza dos colonizadores portugueses. A súa misión é atopar a folla azul, unha misteriosa planta capaz de curar unha terrible enfermidade que afecta a súa tribo. Coa axuda da sabedoría da súa avoa e a súa capacidade de comunicarse cos animais, terá que explorar un mundo descoñecido no que atopará perigos e adversidades, pero tamén amizade, sensibilidade e cooperación. Con esta lectura pechamos o curso. Celebraremos unha pequena despedida a próxima semana, coincidindo co club de poesía.

Club de lectura de Bacharelato: Ollos de auga, de Domingo Villar, e... merenda de despedida!

 Hoxe reunímonos por última vez co alumnado integrante do Club de lectura de Bacharelato para comentar Ollos de auga, unha novela de misterio de Domingo Villar que nos mantivo enganchados e intrigados até o final. Celebramos unha pequena merenda para despedir o club e aproveitar para desexar moita sorte ás rapazas de 2º de BAC, que rematan un curso moi duro (o esforzo terá a súa recompensa, sen dúbida). Mil grazas por compartir o voso tempo con nós e facer do club de lectura de Catabois un espazo cheo de ideas e amor pola lectura. ❤️

CLUB D ELECTURA DE ADULTOS "JOSÉ BECEIRO"

Buenos días. Esta tarde el Club  de Lectura de adultos "José Beceiro" de Catabois se reúne a las 16:00 horas en la biblioteca para desarrollar su sesión correspondiente al mes de mayo. 

En esta ocasión retornamos al teatro de la mano del Premio Nacional de Literatura Dramática 2023: As alumnas, de Paula Carballeira. 

Os esperamos.

 .          

ENCONTROS LITERARIOS MEC: MANEL CRÁNEO

Hoxe visitounos o artista gráfico Manel Cráneo para desenvolver un obradoiro a través da iniciativa do Ministerio "Encuentros literarios".

Tanto o noso alumnado de 1 ESO como os dos colexios CEIP San Xoán de Filgueira e CEIP de Pazos puideron gozar da proximidade do autor e compartir o seu saber como ilustrador. 

Aquí deixamos as mostras dos talentos que se agochan detrás do alumnado cando unha persoa afable como Manel fai que afloren.

 

30 DE ABRIL: FEIRA DO LIBRO SOLIDARIA