EXPOSICIÓN "AS EMOCIÓNS E A ARTE"

 A nosa compañeira do equipo de biblioteca Emilia Saavedra Seijo, en colaboración co alumnado de 1º e 2º, deu forma á exposición anual, neste caso sobre a temática das emocións.

A exposición tivo tanto éxito que decidimos colocala de xeito permanente decorando o Salón de Actos.

EXPOSICIÓN: O HUMOR GRÁFICO E OS DEREITOS DO NENO

Grazas á colaboración do Concello de Fene a través do Museo do Humor, contamos no noso centro cunha emotiva exposición que aborda o tema dos dereitos da infancia dende a perspectiva do humor.  A mostra está composta por un total de 30 láminas dos máis recoñecidos debuxantes peninsulares, europeos e de América Latina, que conseguen facernos reflexionar sobre a forma en que funcionamos como sociedade ao tempo que nos provoca un sorriso.

Alegrámonos moito do éxito que tivo esta exposición entre os nosos alumnos. Algúns, como Rubén Suárez (3ºA), valoraron a calidade dos debuxos; outros, como Fernando e Víctor (4º A), recoñeceron o valor da ironía e o humor como ferramenta para a reflexión.
Para rematar, aí vai a despedida dos alumnos de 3ºA, que demostraron ser os máis entusiastas.

HISTORIA DO LIBRO EN AUDIOVISUAIS

Desde a semana pasada, instalouse na aula de audiovisuais a exposición sobre a historia do libro e da escrita que nos cedeu o IES Fernando Esquío. A maiores dos fondos cedidos polo instituto de Neda, a nosa exposición foise enriquecéndose con libros e mapas antigos, papiros orixinais, fotos de plumas de colección, mateiral cedido pola ONCE... que nos achegou o noso profesorado.
Na sala atoparedes:

• Paneis explicativos da orixe e evolución do libro.
• Exemplares antigos (s. XIX e XX).
• Edicións facsímiles.
• Exemplos dos diferentes tipos de escrita (ideográfica, pictográfica, paleografía musical, sistema Braille...)
• Material de escritorio.
• O recuncho da imprenta.

Onte, os docentes que aínda non a viran, tiveron unha visita especial "adozada" polo equipo da biblioteca.
Aí os vedes, degustando a exposición:

Agora só queda que ao noso alumnado tamén lle guste.
Lembrade que dispoñedes de fichas didácticas para traballar os contidos na aula ou na propia sala de audiovisuais.


Gozade da lectura e... da escritura.