O ENTROIDO DAS EMOCIÓNS

Un ano máis todo o centro se sumou á temática da biblioteca para encher de emocións o centro. O profesorado e persoal non docente escolleu a ledicia do circo e o alumnado dividiuse entre Inside-Out, Felices anos 20, os mimos...

 

ENTROIDO 2018. Diversidade cultural.

Este ano o tema eixo central da biblioteca é a diversidade. E como vén sendo habitual, o Equipo de Dinamización da Lingua (EDLG) xunto co equipo da Biblioteca, traballan conxuntamente esta festa. Propuxeron este tema para a decoración e os desfraces... e foi todo un éxito. 

Centrámonos na diversidade de razas e pobos a así, cada clase decidiu centrarse nun país.

Rita amosounos como é o traxe dun cigarrón e o alumndo de intercambio de Praga uniuse á nosa festa participando eles tamén no concurso de desfraces. 

Adivinas de que ía o profesorado?

ENTROIDO NO I.E.S. CATABOIS 2014

Coma todos os cursos, o noso Entroido xira ao redor do tema eixe da biblioteca. Este ano tócalle á poesía (por fin!), e polo noso instituto pasaron Quevedo, Garcilaso, Rosalía, Emilia Pardo Bazán, Rafael Alberti, Góngora, Safo, Virgilio, Manuel Antonio, Vicente Risco, ... Qué ben o pasamos! Comprobádeo mirando as fotos.

 Agradecemos, coma sempre, a colaboración de E.C.H.O.  que xenerosamente subministrou os agasallos para os mellores disfraces en forma de cataleuros.

ENTROIDO 2011

O pasado venres 4 de febreiro celebramos no noso instituto o entroido. Os rapaces podían vir disfrazados e varios grupos deles estiveron toda a semana ensaiando nos recreos para preparar unha actuación que ofrecer ao resto dos seus compañeiros no festival que se desenvolveu nas últimas horas de clase.

A verdade é que este ano non houbo moita participación ( un tirón de orellas ), pero os que se presentaron fixérono moi ben:

- Laura, Nerea, Aida  e Irene, de 1º, realizaron unha coreografía baseada nunha canción de Beyoncé. Tan ben o fixeron que levaron o  premio á mellor actuación.

- Un grupo de rapaces e rapazas de 2º representaron un baile de policías e ladróns coa colaboración da súa profesora Emilia que fixo de improvisada vítima. Fixeron unha posta en escea tan boa que levaron o premio ao mellor disfraz temático  outorgado pola biblioteca.

- Os de terceiro puxeron unha dobre aportación: entre unha gran parte deles debuxaron o cartel que daba á benvida ao entroido no instituto e no festival romperon o xeo das actuacións cun cabaret ( baseado tamén na novela policiaca) no que participou ademais Kevin, de 1º.

- Hugo, Fran e Julio realizaron unha exhibición de capoeira acompañados de Lucía, de 3º, do seu profesor de capoeira e dun ex-alumno do centro.

Os alumnos foron obsequiados cun diploma de recordo pola súa participación.

En canto ao concurso de sobremesas de entroido ( freixós, orellas, rosca...) a participación foi tan exigua que non se puido entregar o premio ao mellor deles pero, a cambio, todos os que trouxeron algo levaron un vale de consumición na cafetería do centro.

En canto os disfraces vimos de todo: mulleres de vida alegre, futbolistas... e mesmo algúns dos nosos profes animáronse tamén a vir disfrazados: Jose (de lingua castelá), Marga e Amable eran uns médicos un tanto extraños.

Aquí tedes unhas fotos para  que vexades que tal foi o día: