CLUB DE LECTURA XUVENIL 1º CICLO. O NENO CAN

Como última lectura deste curso para o club de lectura xuvenil do 1º ciclo eliximos O neno can de Fina Casalderrey e Francisco Castro. A diversidade aparece reflectida nas cinco historias das cinco rapazas e rapaces que malia a súa mala situación saen para adiante con valentía.

Esperamos que vos guste. Gozade coa lectura. 

CLUB DE LECTURA 1º CICLO. POMBA E DEGOLADO

Para a segunda lectura pedímoslles aos integrantes do club de lectura do 1º ciclo que rebuscasen entre os andeis da biblioteca aquel título que lles apetecese ler. Curiosos e cursiosas como son, axiña apareceron libros enriba da mesa onde nos reunimos os luns. Revisáronnos, leron as sinopses, defenderon os que querían e, finalmente, quedou vencedor A pomba e o degolado de Fina Casalderrey por mor da paixón con que o defendeu o alumno que o elixira.

Gozade coa lectura.