SEMANA DAS LETRAS GALEGAS

Como colofón á SEMANA DAS LETRAS GALEGAS, o pasado venres os alumnos de primeiro ciclo tivemos un dobre programa de eventos.
Asistencia a unha obra de teatro no Centro Cultural Torrente Ballester representada polos alumnos do IES Fernando Esquío de Neda. A obra escenificada foi A consulta do doutor da autora galega Fina Casalderrey. Nela vimos o que pode ser o día a día na vida dun médico. Menuda paciencia!
Os actores, aínda que non son profesionais, fixeron un excelente papel, estimulando a participación dos alumnos do público. Os nosos parabéns!

Contacontos a cargo de Celso Fernández Sanmartín. A contada tratou sobre os contos de medo que teñen como protagonista o lobo. O medo que pasamos non foi moito pero as risas inundaron a sala.
Ademais de atender ás historias tamén nos fixo reflexionar sobre a importancia da literatura popular de transmisión oral que se está a perder. Tamén nos decatamos dalgunhas técnicas básicas da expresión oral.
Déixanos os teus comentarios!