DEFUNTOS, CABAZAS... O SAMAÍN NA BIBLIOTECA

Logo das castañas chegan as cabazas.

Aí vedes parte dos integrantes do Equipo de Normalización, nun momento de descanso, mentres os profes lles botan unha man, confeccionando o mural para a exposición de cabazas do Samaín. Viñeron pola biblioteca buscando material. Eles levaron Galicia de lenda, pero xa está de volta. Pedídenolo. Nel atoparedes historias de aparecidos, da Santa Compaña...

Tamén temos para vós Lendas galegas de tradición oral, ou Fogar de Breogán; toda a tradición dos pobos celtas está entre as súas liñas.

Hai que ver o que traballastes para presentarnos, un ano máis, as cabazas mellor caracterizadas da contorna ferrolá. E seica, o luns, traeredes máis.

Por outra banda, se o que vos interesa deste tempo son os seus froitos, nos andeis de Ciencias Sociais, Bioloxía e mais no de Botánica, aprenderedes todo o que hai que saber sobre castañas, cabazas, cogumelos, outono...

E na rede máis lendas aquí e aquí.