ACCIÓN SOLIDARIA: SAVE THE CHILDREN

Marcapáxinas solidarios feitos polo alumnado de 1º nas materias de Proxecto Competencial e Relixión para traballar a temática anual das comunidades e o compromiso que debemos adquirir como parte delas. Tamén contamos coa colaboración especial da docente de EPVA, Carmen Mirabal e de moitos outros membros da comunidade que axudaron a recortar e plastificar para que o alumnado puidera facer a venda solidaria.

Grazas a tod@s por poñer o voso gran de area. O recadado foi xa ingresado á conta da ONG Save the Children.

MOBILIARIO RENOVADO NA BIBLIO

 Aquí vedes as novas adquisicións de mobiliario e almacenaxe para a nosa biblioteca: bauis para os xogos, soportes para amosar as novidades e caixas de almacenamento para usos varios como a Hora de ler ou as lecturas de aula.

Tamén estamos pendentes de recibir un moble, encargado ao alumnado do ciclo de Carpintaría do CIFP Ferrolterra, para faciliar o traballo do voluntariado e as tarefas de catalogación.

ROTEIRO CLUBS DE LECTURA

 Non podía faltar o noso tradicional fin de festa dos clubs. Acompañáronnos, como vén sendo xa tradición, o alumnado e profesorado do IES Saturnino Montojo.

Este ano, dedicado a Castelao, non quixemos deixar pasar a ocasión de achegarnos á súa vila natal, Rianxo, e facer alí unha visita ao Museo do Mar e un roteiro literario con lectura na rúa. 

Logo rematamos a xornada asistindo a varias exposicións na Cidade da Cultura (Gaiás): Literatura fantástica en galego e a experiencia inmersiva de realidade virtual Orixes. 

Foi unha xornada fantástica!!

 

Buenos días. Esta tarde el Club de Lectura de adultos "José Beceiro" se reúne a la hora acostumbrada en la biblioteca. La lectura seleccionada ha sido A trenza, de Laetitia Colombani.