CLUB DE LECTURA XUVENIL 1º CICLO

Contos e poemas para un mes calquera, velaí a nosa primeira lectura.

A participación foi estupenda. O recreo semanal de reunión estase a converter en vinte minutos doces de lectura compartida. Incluso houbo momentos en que todo o mundo quería ser o que contase a historia. Porén, as opinións en canto á obra son moi diversas e así o manifestades nos vosos comentarios.

Se vos falaron moi ben dun libro, se tedes en mente algún título, se vos tedes fixado nalgún da biblioteca  e credes que estaría ben para lermos no club, facédenolo saber.

Para a semana, elixide un dos 31 poemas que viñan no libro. Desta volta toca ler/recitar para os demais.

Gozade coa lectura