Visita de Gonzalo Moure

Este luns veunos visitar Gonzalo Moure, escritor valenciano con casa en Asturias e corazón no Sáhara. En 1989 deixa o seu traballo como xornalista na radio para dedicarse á literatura e publica a súa primeira obra Geranium. Dende entón, escribe obras dirixidas a todos os públicos, nas que presta atención aos problemas sociais e que gozan do éxito da crítica e do público. Non obstante, e malia todos os premios que recibiu, o traballo que máis nos interesou e conmoveu é o que realiza no Sáhara. Como mínimo unha vez ao ano encamíñase xunto con outros voluntarios nun camión convertido en biblioteca que leva a alegría aos nenos saharahuís: é o proxecto Bubisher (www.bubisher.com).

A continuación, o cadavre exquisito que os alumnos de 1º E.S.O. da profe Iolanda fixeron trala visita:

Onte veunos visitar Gonzalo Moure (comezo da profe)

Pero chegou tarde e pensabamos que xa non viña. (Alberto)

Viña para falarnos de Palabras de Caramelo e do libro que leron os de terceiro e cuarto. (Diego)

Pero a min o que máis me gustou foi que falase dos seus cabalos. E pregunteille “que sentes por un cabalo?” (Selene)

E a min tamén me gustou cando contou como morreu a súa egua. (Tamara).

Non entendín moi ben cando dixo que el daba antes a a vida polos saharauís ca polos españois. (Begoña)

Eu penso que foi porque nós temos de todo e os saharauís apenas teñen nada (Bibiana).

E despois algúns alumnos fixeron preguntas sobre a doma de cabalos e o Sahara (Alberto).

Iolanda (en representación da biblioteca)  regaloulle a figura dun cabalo (Diego)

Creo que lle gustou porque lle gustan os cabalos. (Selene)

Dixo que xa non vai facer máis charlas porque vai vello. (Tamara)

Eu vino o ano pasado na escola, de San Xoán. E tamén me gustou. Lin Maíto pan duro, Os cabalos do meu tío, Palabras de Caramelo, Los gigantes de la luna e gustáronme.  (Begoña)

Gustaríame que os nenos do campamento do Sahara que tivesen o que quixesen e fosen felices. (Bibiana)

Voulle dicir por Internet que veña outra vez. (Selene)

Gonzalo marchou co anuncio de que esta sería probablemente unha das derradeiras visitas que faría xa a centros de ensino. Agradecemos a sorte que tivemos puidendo coñecelo e telo con nós e aproveitamos para recordarvos a todos que podedes seguir en contacto con el a través do correo na súa páxina web www.gonzalomouretrenor.es .