1-O título da serie en castelán é "Se ha escrito un crimen" e en inglés é "Murder,she wrote".
2-O nome da profe-detective é Jessica Fletcher e a actriz que a encarna é Angela Lansbury.
3-O pobo da protagonista era Cabot Cove.
4-A protagonistas, nos últimos capítulos, vive en New York.
5-O personaxe está inspirado en Miss Marple, de Agatha Christie.
E agora imos co concurso desta última semana, que @s nos@s alumn@s xa resolveron. As gañadoras desta semana seguen sendo as nosas campionas, mais que non se desanime ninguén, porque queda moito tempo e os demais grupos tamén están puntuando todas as semanas.
CONCURSO
Hoxe unimos misterio e historia nunha novela que remata con este verso en latín: stat rosa pristina nómine, nómina nuda tenemus.
Trátase dunha historia dectetivesca desenvolvida nun mosteiro n ano 1327, na que un franciscano chega coa misión de investigar unha serie de mortes que ocorren entre os freires do scriptorium. Ao investigador acompáñao un xove discípulo seu, que é o que escribe o verso final.
Fíxose unha versión cinematgráfica( que aconsellamos que vexades) protagonizada por un famoso actor que foi James Bond.
PREGUNTAS
1-Título da novela en castelán e no seu idioma orixinal.
2-Nome do autor da novela.
3-Que premios gañou esta novela nos anos 1981 e 1982?
4-En que abadía italiana se inspirou o autor para escribir a obra?
5-Cal é o nome do franciscano investigador na novela? E o do seu discípulo?
6-Que actor interpreta ao fransiscano na película?
7-Cal é a tradución do verso latino co que empezamos este texto e remata a obra?
Penso que acertaredes de inmediato.
Ata a próxima semana.
No hay comentarios:
Publicar un comentario