martes, febrero 28, 2012

CONCURSO DA BIBLIOTECA

  Unha nova semana chega o noso concurso, despois dos disfraces que, por certo, estiveron moi ben e a celebración foi moi animada cos ritmos africanos.
Pasamos xa as preguntas:

  Hai en África UN DELTA QUE NON O É
  Que delta será?

  Nel desemboca un gran río. Como se chama?

  Este río nace nun país que pertenceu a Portugal e dicorre por outro país que foi colonia británica. Cales son estes dous países?

  Pero o río non chega ao mar porque é absorbido por un gran deserto. Cal é este deserto?

  Nese delta, que exactamente non o é, viven os SETE MAGNÍFICOS e as CINCO GRANDES aves. Quen son estes interesantes "personaxes"?

  Ademais, os leóns deste lugar teñen unha cualidade que non atopamos nos da súa especie en ningún lugar do mundo. Cal é esta cualidade?


    Suxerímosvos que cando teñades algún tempo libre entredes en google e vexades fotografías deste lugar e, cando sexades maiores e teñades "pasta" non deixedes de visitar esta espectacular paraxe.
  Pola nosa parte, aceptaremos a invitación pero non tardedes demasiado, que non queremos ir con bastón.


  GAÑADORES DA SEMANA.
    Outra vez o grupo de Santi, Fernando, Iván Maday e Miguel, que se incorporou ao grupo recentemente. Benvido Miguel e noraboa a estes rapaces de 2ºA.
    Esta semana xa demos todos os puntos posibles aos grupos :
    San Fernando..................5 puntos
    Las Invencibles...............4 puntos
    Las Locas........................3 puntos
    Casi 300..........................2 puntos
    ODA................................1 punto

   Así que xa podemos publicar as respostas correctas:
 1- O " delta que non o é" é o do río Okavango.
 2- O río é por suposto, o Okavango.
 3- Este río nace en Angola e discorre por Botswana.
 4- É absorbido polo deserto de Kalahari.
 5- Os Sete magníficos son: león, leopardo, elefante, rinoceronte, búfalo, guepardo e licaón.
    As cinco grandes aves son: avutarda kori, jabirú africano, búho pescador, cálao terrícola e aguia marcial.

   Agardámosvos a próxima semana.

No hay comentarios: