Premios do Concurso Semanal da Biblioteca

O pasado martes 13 de xuño celebramos na cafetería do instituto o final do Concurso Semanal da Biblioteca cunha merenda e entrega de premios para gañadores e participantes. O equipo gañador este curso foi Pensadores, integrado por André Rey, Sergio Dopico (ambos de 4º ESO) e Eduardo do Rego, de 1º ESO A, que recibiron cadanseu agasallo composto por mochila e libreta e marcadores de Bibliotecas Escolares.

O resto de equipos participantes recibiron unha camiseta e unha axenda con marcadores de Bibliotecas Escolares. Todos gozaron dunha saborosa merenda preparada por Montse e Jose, o persoal de cafetería do centro.