Nova sesión do Club de Lectura

Na sesión de hoxe houbo moitas baixas. A gripe fai estragos. Durante a nosa xuntanza eliximos por fin a mascota gañadora do noso concurso para o Pasaporte Lector. O deseño gañador foi o de Carlos Martínez Núñez de 1ºB. Desde o noso blog queremos felicitar a todos os participantes así como agradecer a colaboración da profesora de Plástica, Paqui.
En outras entradas subiremos ao blog o debuxo de Carlos así como outros que tamén nos gustaron moito. Agora temos que pedir axuda aos compañeiros do IES de Leixa para o deseño final. Esperamos contar con noso Pasaporte Lector o trimestre que vén.

Despedímonos ata o ano que ven (o 9 de xaneiro) e animamos a todos a seguir lendo e facendo comentarios no blog. Pronto saíra o tríptico coas recomendacións de Nadal, tempo especialmente indicado para ler. Feliz Ano Novo! Non esquezades animar en casa a achegarse aos libros.