BENVIDOS A ÁFRICA

 Non vaiades crer que cambiamos a biblioteca por unha axencia de viaxes. Tampouco é que nos equivocaramos e que esta entrada fose para Cataboisbioxeo. Non. Desde este espazo que nos une co mundo anunciamos que a biblioteca abre as súas ventás aos internautas que visitan este blogue, e que comeza un novo ano escolar cuxo eixo temático será África.




Un curso máis seredes vós protagonistas dos nosos concursos, integrantes do club de lectura xuvenil; seredes quen animen os seus maiores para formaren parte do clube de lectura de adultos, seredes os usuarios e usuarias de todo o material bibliográfico, audiovisual e informático que na biblioteca atoparedes para os vosos traballos escolares e para o voso lecer.

Pero ademais, este ano queremos darvos a coñecer ese fascinante e menosprezado continente que é África.

Camiñaremos polo deserto con Lawrence de Arabia

saberemos máis dos seus nenos

poderedes visualizar a vida dos seus animais,
ler algúns dos seus contos e lendas,
perdervos e buscar alguén en África,
saber algo máis da súa historia...


Benvidas e benvidos a África.
Benvidas e benvidos á biblioteca.