GAÑADOR DO CONCURSO "DISFRAZA A NOSA MASCOTA"

 Coma todos os anos, no mes de outubro toca disfrazar á nosa mascota a gata Cata do tema elixido para o curso. Nesta ocasión, o tema da biblioteca para o curso 2014-15 é a Cociña. Recibimos moitas propostas, algunhas tan boas que pensamos que merecían ser expostas, por iso confeccionamos un panel con todas elas no que aparece destacado o deseño gañador. Pasade polo corredor central para ver de preto os debuxos dos vosos compañeiros!

 Non obstante, só un pode ser o gañador. A súa gata representará, ao longo deste curso, o tema ao redor do cal xirarán as actividades da biblioteca. 
E o participante que maior número de votos obtivo foi: Fabio André do Rego Martínez, de 1º A.

Velaquí o temos recibindo o premio de mans da súa titora e, un pouquiño máis abaixo, abrindo o regalo, composto por artigos relacionados co debuxo que tan ben se lle dá a Fabio.

 Por último, o seu deseño: a nosa gata Cata, lectora ante os fogóns.

Os nosos parabéns a Fabio!!!!