CONCURSO DA BIBLIOTECA

O personaxe desta semana naceu en Siberia. De xoven foi ladrón de gando pero ingresou nun mosteiro e converteuse nun místico. Pertenceu a unha secta chamada "flagelantes" e participaba en orxías, por algo o seu nome significa "libertino". Abandoa a secta e viaxa polo mundo aprendendo moito de esoterismo e teosofía.

Á volta ao seu país colle fama de adiviño popular e atribúeselle o poder de curar enfermidades mediante o rezo.

Debido a esa fama, o zar e a zarina do seu país chámano para que cure ao seu fillo o herdeiro dunha enfermidade relacionada coa coagulación do sangue, que padecen os homes e transmiten as mulleres.

Acadou moita influencia política no seu país e, para evitar isto, fórmase unha conxura para asasinalo e morre no ano 1916.

A xente chegou a pensar que era inmortal e dise que, despois de envelenalo e dispararlle varias veces, é arroxado ao río Neva, no que morre afogado.

Unha pista final: Era coñecido como "o monxe tolo".



PREGUNTAS



1.-En que país naceu o personaxe? En que cidade morreu?.

2.- Como se chamaban o zar, a zarina e o seu fillo?

3.- Que enfermidade padecía o neno?

4.- O personaxe predeciu a fin da familia reinante no seu país. Como foi esa fin? Cal era o apelido desa familia?

5.- Como se chamaba o personaxe? Por que nome era coñecido?