Este martes, o alumando de 1º e 2º da ESO tivo unha clase especial. A profesora foi Andrea Maceiras, filóloga e amante da natureza que nos adentrou no Segredo do lagarto Arnal. Non, non foi unha clase de Bioloxía sobre os réptiles. Foi unha clase de Literatura Galega sobre narrativa contemporánea. Concretamente, unha charla sobre o seu libro.
Explicounos o significado dos alcumes dos seus protagonistas: Arnal, Avelaíña, Buxo, Bolboretiña... Por certo, terá alcume Andrea? Arriscádesvos a poñerlle algún? Falounos do difícil que é ás veces amosar o diferentes que somos. Tamén aprendemos que hai especies que se dan a coñecer día a día e especies que desaparecen por mor da pésima xestión do ecosistema que está a desenvolver o home.
Andrea respondeu a todas as vosas dúbidas e curiosidades, incluso cando lle preguntastes sobre o argumento doutras obras dela.
Andrea deixou a pegada do Arnal nos vosos libros.
Gozade da lectura desta autora, medraderes con ela.
No hay comentarios:
Publicar un comentario