SAMAÍN 2017

Un ano máis, no IES de Catabois seguimos a conservar a tradición do baleirado de cabazas para conmemorar o Samaín. 

Velaí tedes as gañadoras deste curso 2017-2018. 

LECTURAS PARA A DIVERSIDADE

Comeza a singradura anual do noso alumnado máis lector. Xa tivemos a primeira xuntanza: puxémonos ao día do que lemos durante o verán, falamos de posibles lecturas e comentamos algo da autora á que se lle adicará no 2018 o Día das Letras, María Victoria Moreno.

En definitiva, coma sempre, pasamos un recreo agradable xuntos, que é o que faremos de agora en diante todos os luns co club de narrativa e todos os martes co club de poesía.

As coordinadoras estamos moi satisfeitas coa alta participación que imos ter este curso, aínda que, xa se sabe, nas fotos non queiran saír todos/as. Grazas a quen sae na foto e a quen non por manter ese grande interés pola lectura.

 

Como primeiro agasallo para vós, este pequeno poema. Que nunca vos asuste un libro, xa veredes como pasa o mesmo que con esta noite de Maria Victoria!!

"Anque os primeiros días

pasei ben medo

coas sombras, cos ruídos

e co silencio,

      

       souben axiña

       que a noite é unha festa

       moi divertida."

Veña, ide pensando con que festa comezamos as nosas lecturas!

CLUB DE LECTURA DE ADULTOS "JOSÉ BECEIRO"

Buenos días. Comienza el nuevo curso de nuestro Club de Lectura de Adultos "José Beceiro" de Catabois. Mañana jueves celebraremos Dios mediante la primera sesión, que comenzará a la hora acostumbrada (16:45 h.) en la biblioteca. Estáis todos invitados a nuestra cita con la Poesía, de la mano esta vez del último y cada vez más elogiado poemario de Celso Emilio Ferreiro, Onde o mundo se chama Celanova. 

Felices lecturas. Os esperamos.

A DIVERSIDADE ÚNENOS

Coma as folerpas de neve que conforman unha fermosa nevarada, coma as innúmeras pingas do mar, todas únicas, todas diferentes, todas diversas e todas iguas na masa que crean, así ve a Biblioteca este ano a cada unha e cada un de vós: IGUAIS NA DIVERSIDADE. E por iso, neste curso 2017-2018 queremos MENTES ABERTAS COMA LIBROS e o noso lema será A DIVERSIDADE, en todos os eidos: 

• DIVERSIDADE CULTURAL
• DIVERSIDADE ÉTNICA
• DIVERSIDADE LINGÜÍSTICA
• DIVERASIDADE DE RELIXIÓN
• DIVERSIDADE DE XÉNERO
• DIVERSIDADE DE ESPECIES
• DIVERSIDADE DE PENSAMENTOS
• DIVERSIDADE SEXUAL
• DIVERSIDADE XENÉTICA
• DIVERSIDADE DE ECOSISTEMAS
• DIVERSIDADE FUNCIONAL 
• DIVERSIDADE DE TRIBOS URBANAS...
    
  E para darvos a benvida algo de música...diferente?